Nadhom Anak Yatim

NADHOM ANAK YATIM

اللهم صلى وسلم وبارك عليه

Kanjeng nabi ngajamin ka anak yatim

Dina ‘idil fitri pang saena musim

Bade angkat ka masjid bade netepan

‘idil fitri aya budak seuseugrukan

Nangis pipir masjid baturna arulin

Rayap rame seunang bungah keur arulin

Manehna nyalindung semu seudih bingung

Nganggo kawai tambal butut ngalanglayung

Kapendak ku Rasululloh ras di bujeng

Ditaros kunaon nangis bae ujang

Pan ieu teh dinteun, bungah dinteun senang

Geuning ujang nangis kawas eukeur bingung

Jawabna teh aduh gusti yaktos pisan

Ieu dinteun bungah dinteun seuneung pisan

Seuneung soteh ka jalma nugaduh rama

Keur ka abdi mah ngaraos teu sugema

Ku ayana ‘idil fitri manah ringrang

Ingeut kana diri hirup teh nyorangan

Kiyeu rasana nudi tilar ku rama

Hirup sangsara beda sareng sasama

Teras ku Rasul teh dipangku dirau

Aduh ujang sok ngahudang macan turun

Nya iraha jeung di mana rama tilar

Jawabna teh ceunah waktos perang badar

Nudi pingpina ku kanjeng Rasululloh

Duka teuing anu mana henteu wawuh

Abdi ngagangsing hoyong meser anggoan

Kanggo senang bungah sareung rerencangan

Tapi ibu ka abdi kalakah nundung

Atos tilu dinteun ieu abdi pundung

Aduh kasep nyaah deudeuh teuing ujang

Apan ieu rama gusti rama ujang

Hayu urang ngadeuheus enggal ka ibu

Aisyah di bumi urang gentos baju

Kanjeng rasul bari nangis hey aisyah

Ieu putra urang anu nuju susah

Nyaeta ramana teh parantos tilar

Dina waktos pupugeutna peurang badar

Dauh isyah teh bae putra ibu

Tos timana urang siram gentos baju

Hey Fatimah ieu angkeun rai anjeun

Hey Ali geura araku dulur anjeun

Mana cucu deudeuh Hasan sareng Husein

Ieu mamang anjeun geura ajak ulin

Fatimah Ali Hasan Husein mideudeuh

Ngankeun dulur rai teras dibubungah

Dugika keun leungit rasa kayatiman

Ngangkeun ibu rama rasul anu heman

Saur hasan husein yu mang urang ulin

Sareung batur urang ameung gulen lilin

Teras ameung suka bungah ulin gatrik

Rasul teuras ngalakonan ‘idil fitri

Tah sakitu riiiwayatna Nabi urang

Ngajamin ka anak yatim conto urang

Pikeun conto urang keur hirup di dunia

Tiru ahwal ucap kanjeung anu mulya

Mudah-mudahan urang husnul khotimah

Maot teuteup iman islam pasti geunah

Susuganan ieu ageing manfaatna

Kanu maca anu butuh syafa’atna

Sareung urang diangkeun pisan umatna

Umat kanjeung umat anu pang mulyana

Sareung urang ngareup-ngareup syafa’atna

Anu dingaranan syafa’atul udzma

Aamiin Aamiin Aamiin Yaarobbal ‘Alamiin

Ditutup ku muji ka Rabbul ‘alamin.

Versi PDF dapat di unduh DISINI
Versi Vidio atau YouTube klik DISINI


************************************************************************************************* 

Follow As Me : YouTube, Instagram, Facebook, WhatssApp, Eco Racing RA, SMASH Program.

*************************************************************************************************